Naidheachdan

Tha Stòrlann Nàiseanta na Gàidhlig, a’ bhuidheann nàiseanta airson goireasan foghlaim Gàidhlig a choimiseanadh agus a sgaoileadh, gu bhith a’ stiùireadh pròiseact a chruthaicheas goireas airson sgoiltean Gàidhlig agus Gaeilge, còmhla ris a’ bhuidhinn cho-choslach ann an Èirinn a Tuath, a’ Chomhairle airson Curraicealam, Deuchainn agus Measadh (CCEA).

Tha Stòrlann Nàiseanta na Gàidhlig toilichte ainmeachadh gur e Johanna Marshall Ceannard ùr na buidhne.

Nochdaidh dà ghoireas ann an àrd-sgoiltean a dh’aithghearr: Eadar Dà Sgeul agus Pasganan-obrach Ìre 3 AS1-AS3 Gàidhlig, An t-Àm airson nan Naidheachdan.

Trì leabhraichean ùra - Linn nan Caochlaidhean Mòra, Nuadh Eòlas AS1 – AS2 agus Teejay Ìre D.

Tha Stòrlann toilichte cur an cèill gu bheil dithis riochdairean ùra agus iar-neach-cathrach ùr air Bòrd-stiùiridh na Buidhne.

O chionn mìos no dhà, chuir Stòrlann Nàiseanta na Gàidhlig farpais air bhog gus fàilte a chur air Ceumannan ­– cùrsa ùr do luchd-ionnsachaidh na Gàidhlig ann an àrd-sgoiltean. 

Thàinig dusan sgrìobhaiche, eadar stèidhte agus ùr, còmhla ri Stòrlann sa Chèilidh Place ann an Ullapul bho 14 gu 18 Sultain airson togail air an sgilean gus gum biodh iad air chomas sgrìobhadh do Stòrlann agus do bhuidhnean eile san àm ri teachd.

Leabhraichean Mòra Matamataig, Matamataig Teejay Ìre D agus Uamh nan Cnàmhan ...leabhraichean ùra bho Stòrlann.

Thàinig sgoilearan bho Bhun-sgoil Pholl Lòchaidh agus bho Bhun-sgoil Ghàidhlig Inbhirnis còmhla ri Stòrlann Nàiseanta na Gàidhlig ann an Taigh-òsta Dhruim Athaisidh an Inbhir Nis air an 9 Ògmhios, cuide ri foillsichearan is caraidean gus trì Goireasan ùra a chur air bhog.

Tha Tobar an Dualchais a' cur tachartas air dòigh ann an Inbhir Nis far a bhios cothrom aig tidsearan barrachd fiosrachaidh fhaighinn mun phròiseict.

An aithne dhut duine aig a bheil ùidh ann an sgrìobhadh mar obair phàirt no làn-ùine, no a bheil agad fhèin?

Tha Stòrlann ann an com-pàirteachas còmhla ri na foillsichearan Immersive Education toilichte cur chun na sgoiltean Sgrìobhadh cruthachail an dàrna tiotal a-mach às sreath Kar2ouche.

Bidh an t-Alltan air a chumail ann an Struighlea air 7 agus 8 Dàmhair 2009. Tuilleadh fiosrachaidh ri thighinn a dh'aithghearr.

Tha làrach-lìn ùr aig Ionnsachadh agus Teagasg Alba – Leis an Airgead – air am faigh sibh goireasan a tha a’ dol còmhla ris an eadar-theangachadh den leabhar, On the Money.

Trì leabhraichean ùra èibhinn bho Stòrlann airson na h- àrd-sgoile, Droch ràith Mairead, Droch shaoghal BJ agus Shenanigan's Shen.

Tha goireas ùr dìreach air nochdadh bhon Stòrlann, sin litrichean magnaiteach de na fuaimean fonaig Ghàidhlig.

Tha Stòrlann an-dràsta ag obair air cùrsa ùr do luchd-ionnsachaidh san àrd-sgoil a’ tòiseachadh le leabhar 1 is 2 do sgoilearan air a’ chiad dà bhliadhna. Thathar an dòchas gum bi na leabhraichean anns na sgoiltean san Lùnastal 2009.

Tha Cathie NicIain, Ceannard Bun-sgoil Chondorrat, a leigeil dhith a dreuchd aig deireadh na mìos.

Thug luchd-obrach bho Stòrlann seachad trì bùithtean-obrach an t-seachdain-sa do thidsearan, oifigearan comhairle agus eile aig co-labhairt ann an Sruighlea air cuspair na h-iomairt cudromaiche GLPS (Gaelic Learners in the Primary School).

Thàinig BBC Craoladh nan Gàidheal agus Stòrlann Nàiseanta na Gàidhlig còmhla ann an togalach ùr a’ BhBC an Glaschu air 17 Giblean, cuide ri iomadh bàrd cliùiteach, gus dà ghoireas ùr a chur air bhog.

Tha Stòrlann Nàiseanta na Gàidhlig a’ cur fàilte air Catrìona Mhoireach a tha a’ tòiseachadh san dreuchd ùir Oifigear Leasachaidh airson Dearbhadh Càileachd aig deireadh na mìos.

Chuir Stòrlann Nàiseanta na Gàidhlig pròiseact ùr An Seotal air bhog an t-seachdain seo chaidh a tha ag amas air feumalachdan briathrachais àrd-sgoile a nochdadh agus a fhreagairt.

Nochd Catrìona an Cat air S4C, an sianail Tbh Cuimreach, nuair a thadhail criutha telebhisein air a’ chompanaidh Gomer a dh’fhoillsich an Leabhar Mòr agus Pocan Stòiridh mu dheidhinn air an t-seachdain sa chaidh. Bha cothrom aig Catrìona mìneachadh gur i co-ogha Cadi, an cat a nochd anns an leabhar Chuimreach, agus gur deagh thoil leatha na cànanan Ceilteach!