Dealbhan-cluiche
Fileantaich san àrd-sgoil
Ro dheireadh na bliadhna, bidh Eadar Dà Sgeul, cruinneachadh de sgeulachdan goirid le measgachadh de sgeulachdan ùra agus sgeulachdan aithnichte, a’ nochdadh sna sgoiltean. Tha Stòrlann air seachd sgeulachdan às
a’ chruinneachadh a chur ann an riochd sgriobtaichean dràma. Chaidh sia dhiubh a sgrìobhadh le Dòmhnall Iain MacÌomhair agus fear eile le Aonghas Iain MacDhòmhnaill.
Seo na sgeulachdan a thagh sinn às a’ chruinneachadh a gheibhear an seo ann an riochd dràma:
- An Taghadh le Iain Mac a’ Ghobhainn
- Am Partaidh Purpaidh le Dòmhnall Iain MacÌomhair
- Na Stocainnean le Iain Mac a’ Ghobhainn
- Bòrd do Dheichnear le Dòmhnall Iain MacÌomhair
- Aon Fheasgar … le Pòl MacAonghais
- Cafaidh Ranji le Dòmhnall Iain MacÌomhair
- Ri Aghaidh na Creig le Maoilios Caimbeul
Fhuair cuid de sgoiltean cothrom Am Partaidh Purpaidh fhaicinn air an àrd-ùrlar mar-thà nuair a thadhail Meanbh-chuileag orra san Ògmhios.
Tha sinn an dòchas gum bi na dealbhan-cluiche gu feum airson dràma, labhairt agus leughadh airson tlachd a bhrosnachadh ann an clasaichean Gàidhlig, mar a thathar
a’ moladh sa Churraicealam airson Sàr-mhathais. Bheir iad cuideachd taic do sgoilearan aig a bheil duilgheadasan na sgeulachdan fhèin a thuigsinn agus tha sinn an dùil gun dèan iad feum san fharsaingeachd do sgoilearan a tha airson coimhead air litreachas Gàidhlig ann an riochd eile.
Bhiodh e math ur beachdan fhaighinn orra.
Na faidhlean uile còmhla mar 'portfolio'
Na faidhlean uile còmhla mar 'binder'
